Staubwolgge


Home


Värs


Värs vo dr Fasnacht 2012


 

 

D Hunziker dää blondi Spatz,
nimmt jetzt im luxus Näschtli Platz.
Denn mit em Gottschalk isch jetzt Schluss,
dää isch halt nimme so im Schuss.
E neye Job hämmer iim parat,
bi Keerperwäält als Plaschdinat.

Sii mir sin im Facebook drin,
das macht uns Spass und au no Sinn.
My Sohn dä duet e Party „pooschte“,
duusig sin den ko zum prooschte.
Das hän mir doch au grad brobiert,
lueged uuse, s het au funktioniert.

Solarstrom vo dim aigne Dach,
das isch in Basel so ne Sach.
kennsch nit di Rächt und schiebsch e Gryyse,
dien s di am Änd in d PUK ywyyse.
als Leesig für dyni grangge Näärve,
kasch uff s Dach go Ziegel wäärfe.

Dr Schwarzenegger machts nim dehai,
e Berlusconi bruucht grad zwai.
Dä Struuss Kahn will grad jeedi haa,
dr Sarkozi macht d Merkel aa.
Wäge däm hän mir dr Morin gnoo,
denn dä waiss nit wie das duet goo.

Wenn dr Pöschtler kunnt am Morge,
duet äär d Poscht speziell versorge.
In dr Mitti do sin d Briefe drin,
und d Wärbig liggt im Milchfach in.
Nur ains het no erstuune gweggt,
ass är d Baz in rächte Egge leggt.

Mir drey Zoobe uff dr Gass
erlääbe ebbis, zimlig grass:
Uusgraubt, Briiglet, d Glaider gschtoole,
kunnt uns d Bolizey go hole.
Uff em Poschte hän mir dernoo,
e Buess fir s Nacktwandre bykoo.

he dr Värs!
«Es gibt eine Zeit zum Reden
und eine Zeit zum Schweigen.»
das wärs!

Isch s Baby gross dr Babbe glai,
denn bisch bim Sarkozy dehai.
Die liebi Merkel het e Fruscht,
denn bi iire het kain Luscht.
Und wenn si sich ins Mieder zwängt,
frog nit worum dr Euro hängt.

Dr Blerim sait: Es isch voll krass,
my BMW das macht nim Spass.
So Opa will mi voll verkoole
mit si Rollator yyberhoole.
Jetzt muss ich kongrett probiere,
waisch Rollator go frisiere.

My Tochter bringt dä Koffer hai
und findet das Ding uus Plüsch sig z glai.
“Liebe Babbe“ sait sii zu mir,
dass isch jo grösser als bi dir.
iire Brueder maint jetzt spot doch nit,
sig froo dass es uns zwai trotzdäm git.


Wo d Roma letschti ooni Halt,
in die mittler Brugg dryyknallt
Stoot uff dr Brugg ganz blaich und alt,
dr Minu wo dert flehend lallt:
“Pass doch uff du junge Schnuufer,
i bruch Kontaggd zem andre n Uufer.“

Unsri BAZ in Ziircher Hand,
und d Schwoobe hämmer au im Land.
D Aasylante steen im Drägg,
dr Shakiri dä will au ewäg.
Sii mir sin jetzt Gottefroo,
duet die Wäält bald untergoo.