Staubwolgge


Home


Värs


Värs vo dr Fasnacht 2007

 

   D’Oehri isch e liebi Frau,
e härzigs Gsichtli het si au.
Het immer scheeni Glaider aa
und dehai e ryyche Maa.
Dr FCB dä isch’s nit wäärt,
denn so ne Frau die gheert an Häärd.

Dr Pegoraro iire Maa

isch (a)sozial, me seht em’s aa.

Är verdailt, was iin nit steert,
e Huffe Gäld wo iim nit gheert.
Au d’Calmy Rey die macht’s eso,
nur die muess nit in d Kischte go.

E Bebe Värs:

Das wärs!

Oh Barbara, oh Barbara,
am Huus sinn Ziegel nimme dra.
Sit s’letscht mol z’Basel gschittlet het,
schloof ich im Wald und nimm im Bett.
Oh Barbara, oh Barbara,
wäg Dir sinn Ziegel nimme dra.
Oh Barbara, oh Barbara,
bi minere Frau kumm ich nimm dra.
Denn wenn ich z’Oobe ebbis wett,
ligg ich im Wald und nimm im Bett.
Oh Barbara, oh Barbara,
was duesch denn Du mir schreggligs aa.

Al Kaida la la la
Gazastreife tra la la
Quantanamo bla, bla, bla, bla,

Babscht, Koran, Amerika
E so töönt’s denn, mir hänn’s probiert,
wenn me unseri Värs zensuriert.

My Sohn dä will z’Nacht nimm ins Bett,
hoggt lieber vor em Internet.
Dert luegt är blutti Fraue aa,
das erregt schyyns jeede Maa.
Au d’Schuel die syg dr gröschti Hit
well’s dert jetz (frieh)-Franzesisch git
.

Dr Blocher isch no voll im Saft,
d’SP het en nonig gschafft.
d’FDP het au kai Macht,
und „Grieni“ nimmt är sich zem Znacht.
S’ainzig wär, dass är verschriggt
und am e Läggerli verstiggt.

My Frau das macht mi ganz perplex,
stoot nimme uff dr Bliemlisex.
Drumm probier ych voller Schwung,
am Nomidag e Kaschtesprung.
Doch laider duet my Bett nimm heebe
und z’Basel gschpyyrt me s’näggschte Beebe.

Jä u
nseri Regierigsrööt 
luegsch dääne zue, no wird’s
dr blööd:

Dr Christoph Eymann isch enorm,
seht sich in Schieler Uniform.
Und dr Lewin, s’isch bekannt,
kennt z’Basel jede Asylant.
Dä lusch
digi Hanspeter Gass,
schänggt jedem no e Schwyzer-Pass.
Bim Conti do lauft alles rund,
nur s Fydle isch vom Sitze wund.
D’Herzog wird im Räge nass,
stoot mit em Radar uff dr Gass.
D Schneider het e Freud im Bett,
wenn’s vom Bebe grittlet het.
Bim Morin halte mir uns gnapp,
suscht schiesst är uns am Änd no ab.
Bi dääne siibe do lauft mee,
als zur Zyt bim FCB.